بۇل مەكتەپ بازاسىندا اشىلعان كابينەت اۋدانداعى بالالار شىعارماشىلىعى ۇيىنە قاراستى بولادى. كابينەتتە وقۋشىلاردىڭ اقپاراتتىق تەحنولوگيامەن اينالىسۋىنا قاجەتتى بارلىق قۇرالدار ورنالاستىرىلعان.
«مۇندا بالالار وليمپياداعا دايىندالۋ ءۇشىن, وزدەرى ىزدەنىپ ءتۇرلى باعدارلامالار جاساۋى, ەلەكترونيكامەن اينالىسۋى ءۇشىن قاجەتتى قۇرالداردىڭ بارلىعى دا بار. جاقىندا مەكتەپتىڭ ەكى مۇعالىمى ارنايى كۋرستان ءوتىپ, سەرتيفيكات الاتىن بولادى. سودان كەيىن ولار وسى كابينەتتى ساباققا دا پايدالانادى. وقۋشىلار بارىنشا جەكە ىزدەنىپ, عىلىمي جۇمىستارعا تارتىلادى», دەيدى اۋداندىق وقۋ ءبىلىمىنىڭ ادىسكەرى اينۇر جۇماعاليەۆا.
IT كابينەتتە تەك اۋدان ورتالىعىنداعى مەكتەپ وقۋشىلارى عانا ەمەس, اۋىل مەكتەپتەرىنىڭ بالالارى تسيفرلىق تەحنولوگيامەن كەرەگىنشە تانىسىپ, پايدالانا الاتىن بولادى.
كابينەتتى جابدىقتاۋعا 8 ميلليون تەڭگە جۇمسالدى.
ءنازيرا جارىمبەت
«ەگەمەن قازاقستان»
قوستاناي وبلىسى,
قوستاناي اۋدانى
